Friday, January 30, 2015

PAC yaibua ufisadi wa bilioni 9/- JNIA

Kamati ya Kudumu ya Hesabu za Serikali (PAC) imeibua ufisadi uliopelekea upotevu wa zaidi ya Shilingi bilioni tisa katika Uwanja wa Ndege wa Kimataifa wa Julius Nyerere (JNIA), jijini Dar es Salaam.

Akiwasilisha taarifa ya mwaka ya Kamati hiyo kuhusu hesabu zilizokaguliwa za Serikali Kuu na Mashirika ya Umma kwa mwaka wa fedha unaoishia Juni 30, 2013, Mwenyekiti wa PAC, Zitto Kabwe alisema kuwa ufisadi huo umetokea kwenye mradi wa ujenzi wa Jengo la watu mashuhuri kwenye uwanja huo. 
 
Zitto alisema kuwa ukaguzi uliofanyika unadhihirisha kwamba harama halisi za ujenzi wa jengo la watu mashuhuri kwenye Uwanja wa Ndege wa Julius Nyerere zina mkanganyiko.
 
Alisema katika ukaguzi ulofanywa na Mkaguzi na Mdhibiti Mkuu wa Fedha za Serikali (CAG), mkaguzi huyo alishindwa upata nyaraka wala vilelezo vyote vilivyomo kwenye majalada ya ofisi za Mamlaka ya vya Ndege (TAA) na yale ya kiwanja cha JNIA ikiwemo mkataba kwa ajili ya kuonyesha gharama halisi za ujenzi huo. 
 
Alisema kuwa kilichopatikana ni ‘offer for Grant for VIP Launge’ yenye thamani ya fedha za kitanzania shilingi bilioni 5.3. 
 
Zitto alisema kuwa ili thamani ya ujenzi wa jengo hilo, CAG aliagiza Wizara ya Uchukuzi iwasiliane na mthathimini Mkuu wa Majengo ya Serikali ili afanye thathmini ya thamani ya jengo hilo.
 
“Kwa mujibu wa taarifa ya Mthamini Mkuu wa Majengo ya Serikali hadi kufikia mwezi Mei, 2014 gharama za ujenzi wa jingo hilo zilikuwa ni Shilingi bilioni tatu na mchango wa Serikali kwa shughuli zilizohusu ujenzi wa jengo hilo ulikuwa ni Shilingi milioni 869.4 tu. 
 
Alisema kuwa hata hivyo katika mikutano mbalimbali ya bunge kati ya mwaka 2011 na 2012, Serikali ilitoa tamko kuwa jengo la watu mashuhuri katika Uwanja wa Ndege wa Dar es Salaam kuwa ni jumla ya shilingi bilioni 12!  
 
Zitto alisema kuwa tamko hilo la Serikali ni tofauti ya shilingi bilioni tisa zaidi ya kiwango cha Mthamini Mkuu wa Serikali, hali ambayo inaonyesha kuna matumizi yasiyo ya kawaida ya fedha hizo. 

http://www.ippmedia.com/frontend/index.php?l=76851

Mabomu ya polisi dhidi ya CUF yaliwaathiri wanafunzi


Mabomu yaliyofatuliwa na Jeshi la Polisi Jumanne wiki hii kuwazuia wanachama na viongozi wa Chama cha Wananchi (CUF), wasifanywe maandamano yaliwaathiri watoto wa shule ya awali ya Mango (Madrasat Munawara), iliyopo Mtoni Mtongani, Temeke, Dar es Salaam.

Mwalimu wa shule hiyo, Nasra Mohamed, alisema hakuna mtoto aliyepotea kutokana na tukio la mabomu, lakini moshi wa mabomu uliwachanganya na kukimbia ovyo.
 
Alisema watoto wote walikimbilia  nyumbani kwao, lakini walipoteza vitu mbalimbali walipokuwa wakikimbia ili kunusuru maisha yao kutokana na mabomu yakiyokuwa yakipigwa mfululizo.
 
“Mimi mwenye nilikuwa nalia kama mtoto mdogo ili kuwanusuru wanafunzi wangu, nilinawa maji ya kuoshea chipsi, lakini kama nisingepata maji hayo hali ilikuwa mbaya sana kwangu,” alisema.
 
Nasra alisema wakati mabomu hayo yanapigwa alikuwa kwenye kibanda cha chipsi, hivyo alimwona askari mmoja akiwa kwenye makutano ya barabara ya Mtongani akipiga mabomu mfululizo, kitendo kilichofanya akimbie haraka hadi shuleni kuwahi wanafunzi.
 
Alisema alipofika alikuta watoto wote wanakohoa na kutupa viti vyao mbalimbali na kukimbia hovyo.
 
Mwenyekiti wa Mtaa wa Mtongani, Khamis Mtonga, alisema Serikali haikupaswa kutumia nguvu kubwa katika kuzuia maandamano bali hekima na busara ilipaswa kuzingatiwa kuhakikisha usalama wa raia unaimarishwa kwenye mkutano huo.
 
Mtonga alisema kuwa taharuki hiyo ilisababisha baadhi ya watu wasio na hatia, wakiwamo watoto kukimbia hovyo kwa nia ya kuokoa usalama wao.
“Bado sijapata taarifa ya mtoto au mtu mzima aliyepata madhara kutokana na milipuko ya mabomu hayo bali ilikuwa patashika mtaani,” alisema.
 
Wanachama, wapenzi na viongozi wa CUF akiwamo Mwenyekiti wake wa Taifa, Profesa Ibrahim Lipumba walipigwa mabomu na kukamatwa na polisi wakidaiwa kutaka kuandamana bila kibali.
 
Wanachama hao walikuwa wameandaa maandamano kutoka ofisi za CUF Wilaya ya Temeke hadi viwanja vya Zamkhen, Mbagala kwa ajili ya mkutano wa hadhara.
 
Lengo na maandamano na mkutano huo lilikuwa ni kumbukumbu ya miaka 14 ya wenzao zaidi ya 30 waliouawa na Jeshi la Polisi mwaka 2001 wakati wakipinga matokeo ya uchaguzi mkuu wa Rais wa Zanzibar wa mwaka 200. 

 http://www.ippmedia.com/frontend/index.php?l=76855
 

" Natamani Kwenye Amri za Mungu Iongezwe ya 11 Isemayo 'USIWE CCM'.."....Hii ni kauli ya Lema Bungeni

LEO Wabunge wameendelea kuchangia taarifa za Kamati za Hesabu za Serikali PAC na LAAC zinazoonesha ubadhirifu mkubwa wa fedha za umma. Hapa  chini nimekuwekea  michango  ya  baadhi  ya  Wabunge.

Lema: Haiwezekani kila siku tukija humu tunazungumzia wizi tu, inatakiwa tuzungumzie mipango ya maendeleo ya wananchi sio kila siku wizi wizi wizi unaosababishwa na CCM.
 
Lema: Kama ningeweza kupendekeza pia kwenye Amri Kumi za Mungu, ningependekeza iongezwe amri ya 11 inayosema 'USIWE CCM'
  
Lema: Katika mazingira kama haya, nathubutu kusema 'My Country is like a Getho' mambo hayaendeshwi kwa utaratibu kabisa
  
Esther Bulaya: "Yani watu wanagawana posho Bilion 9, na wanafunzi wanasoma kwa shida halafu mnataka tuwapigie makofi haiwezekani"
  
Esther Bulaya: "Hatuwezi kila siku tunakuja hapa majibu yaleyale kila siku wizi wizi wizi, haiwezekani, hawa watu washughulikiwe"
  
Lissu: "Kinachotufikisha hapa ni Rais kushindwa kutimiza wajibu wake wa kikatiba wa kuwawajibisha watendaji wake"
  
Lissu: "Tunachotakiwa kufanya hapa ni kuanza na hawa mawaziri tulionao humu ndani, tukubaliane kuwawajibisha"

chanzo:http://www.mpekuzihuru.com/2015/01/natamani-kwenye-amri-za-mungu-iongezwe.html

Thursday, January 29, 2015

Sister wa Kanisa Katoliki Ajifungua Mtoto wa Kiume

Utata umeibuka  baada ya sister wa Kanisa Katoliki huko Italy aliyekuwa akilalamikia maumivu ya tumbo na kukimbizwa Hospitali na kujifungua mtoto wa kiume licha ya kuishi katika Jumuiya hiyo ya wanawake watupu. 

Sister huyo  mwenye umri wa miaka 31 yupo kwenye kikundi cha masista cha Santa Chiara Italy, asili yake ni Amerika ya Kusini, alilalamikia maumivu makali  ya tumbo baadaye alianguka, madaktari walifika katika eneo hilo na baada ya kumfikisha Labour alijifungua.
 
Watu wengi wameshindwa kuelewa kwa jinsi gani ameweza kupata ujauzito licha ya kula kiapo cha usafi wa moyo na utii.
 
Tukio linalofanana na hili lilitokea mwaka jana baada ya sister mmoja wa Salvador ambaye umri wake ni miaka 33 ambaye alijifungua mtoto wa kiume na kumpa jina la Papa Francis.

chanzo:http://www.mpekuzihuru.com/2015/01/sister-wa-kanisa-katoliki-ajifungua.html

Wednesday, January 28, 2015

Breaking News: Profesa Lipumba Akimbizwa Hospitali

Mwenyekiti wa chama cha wananchi CUF Prof.Ibrahimu Lipumba hali yake kiafya sinzuri baada ya kubadilika gafla wakati akiwa katika mahakama kuu ya Kisutu Jijini Dar es Salaam na hivyo kukimbizwa katika Hospitali ya UN kinondoni DSM

Lipumba  alikamatwa  jana  na  jeshi  la  polisi  kanda  maalumu  ya  Dar  es  salaam  wakati alipokuwa akielekea eneo la Zakhem, Mbagala, kulikokuwa kumeandaliwa mkutano wa hadhara, kutoa taarifa kwa wafuasi waliokuwa wamekusanyika, kuwa mkutano na maandamano yamezuiliwa na Polisi.
chanzo:http://www.mpekuzihuru.com/2015/01/update-profesa-lipumba-akimbizwa.html

Serikali, viongozi wa Kikiristo kujadili Mahakama ya Kadhi

Serikali imetangaza kukutana na viongozi wa madhehebu ya dini ya Kikristo ili kuzungumza nao kuwaondoa wasiwasi kuhusu  muswada unaokusudia kutunga sheria itakayoitambua Mahakama ya Kadhi nchini.

Mwanasheria Mkuu wa Serikali (AG), George Masaju (pichani), alisema hayo alipokuwa akijibu maswali ya waandishi wa habari, katika viwanja vya Bunge, mjini hapa jana.
 
Alisema serikali inakusudia kuchukua hatua hiyo baada ya kubaini wasiwasi uliopo kwa viongozi hao unatokana na kutouelewa vizuri muswada huo pamoja na mahakama yenyewe.
 
"Tutawafikia, tutaomba kuzungumza nao ili tuweze kubadilishana mawazo vizuri. Na bahati nzuri viongozi wa dini ni wasikivu sana kwa sababu ndiyo walinzi wetu wa kiroho. Tukiwaomba kwenda kuwaona hawawezi kukataa," alisema Masaju.
 
Alisema tayari madhehebu yote ya kidini yamekwishamkaribisha aende kuzungumza nao kuhusiana na suala hilo.
 
"Na mimi nitaenda na wasaidizi wangu na baadhi ya viongozi serikalini na hata walioko nje ya taasisi za serikali kuwaambia jamani kitu chenyewe ni hiki na hiki na hiki. Baada ya uelewa, tutabaki wamoja. Tanzania tunatengeneza sheria siku zote hizi iwe maridhiano," alisema Masaju.
 
Alisema siyo Wakristo tu, bali hata Waislamu wenyewe pia kuna mambo mengine wamepeleka serikalini, ambayo ni makubwa zaidi yanayowapa Wakristo wasiwasi na kusema nao pia watawafikia pamoja na madhehebu mengine.
 
Alisema haoni sababu ya viongozi wa dini kutofikia nai mwafaka na kusisitiza kuwa anaamini kwamba, watakubali.
 
Alisema fedha za kuendesha mahakama hiyo zitaendele kugharimiwa na Waislamu wenyewe na kwamba, suala la kwenda kwenye mahakama hiyo ni la hiari.
 
Masaju alisema maandalizi ya muswada huo yameshirikisha Waislamu kwa kiwango kikubwa na kwamba, serikali imeshauriana nao na kwamba, mchakato huo ni wa siku nyingi, uliokuwapo tangu enzi za utawala wa Rais mstaafu, Benjamin Mkapa.
 
"Hii serikali nayo ilipokuja awamu hii nao wakaendelea mpaka tukafikia hatua pal," alisema Masaju.
 
Aliongeza: "Kwa hiyo, Waislamu wenyewe hawa tumewa-engage kwa siku nyingi sana kwenye hili suala kupitia Bakwata na taasisi zake. Na Bakwata ndiyo inayotambulika kisheria. Ipo kisheria ile Bakwata. Lakini haina maana kwamba, walikuwa wanakuja Bakwata tu Waislamu wengine walikuwa hawaji, hapana."
 
“Sasa baada ya kuelewana na Waislamu ndiyo unaona hata jinsi muswada ulivyo, wao wakaanzisha mahakama ya kadhi, sisi tunaona inahitaji inforcement kama haitambuliki.
 
Ndiyo maana unaona kwenda kule liwe la hiari ya mtu na kwa Waislamu.
 
Alisema ana uhakika mchakato huo unaolenga kujenga maridhiano, ukikamilika utatengeneza kitu, ambacho kitawafanya Watanzania wote kubaki wamoja.
 
Masaju alisema tatizo la uelewa kuhusu muswada huo anahisi linachangiwa na hatua kutochukuliwa mapema ili kuwaelimisha sheria inayokusudiwa kutungwa na lengo la serikali, kwani hakuna katiba inayovunjwa kwa kuletwa mabadiliko hayo.
 
Hata hivyo, alisema ana matumaini kuwa baada ya zoezi wanalolifanya la kushauriana na makundi yanayohusika, hatimaye watafikia mwafaka na sheria itakayotungwa itakuwa nzuri inayoridhiwa na pande zote mbili.

ippmedia.

Nida: Hatuna idadi ya waliopata vitambulisho

Mamlaka ya Vitambulisho ya Taifa (Nida), imesema zoezi la kutoa vitambulisho vya uraia bado linaendelea jijini Dar es Salaam na Zanzibar na kwamba hawana idadi rasmi ya ya wananchi ambao wameshasajiriwa na kukabidhiwa vitambulisho vyao.

Hata hivyo, Nida imesema idadi hiyo huenda ikajulikana baada ya kuanza kutumika kwa mfumo mpya unaotarajia kuanza karibuni  wa kutoa taarifa hizo kila baada ya miezi sita.
 
Mkuu wa kitengo cha Mawasiliano na Nyaraka wa Nida, Thomas William, alisema hawajapata idadi ya wananchi  ambao wameshakamilishiwa vitambulisho kutoka kwenye vituo vilivyoidhinishwa na mamlaka hiyo kwani watu wengi bado wanaendelea kusajiriwa, kupigwa picha na kupokea vitambulisho.
 
Alisema hivi karibuni Nida itaandaa utaratibu wa kutangaza taarifa ya maendeleo ya zoezi hilo ikiwamo idadi ya wananchi ambao tayari wamekabidhiwa vitambulisho kila baada ya miezi sita. 
 
Kwa mujibu wa William, ugawaji wa vitambulisho pia unaendelea kwa wakazi wa Zanzibar baada ya zoezi la usajiri kukamilika visiwani humo.
 
Alisema wananchi wanaendelea kukabidhiwa vitambulisho vyao baada ya kupokea taarifa kwa kupigiwa simu au kutumiwa ujumbe mfupi wa maneno kwa njia ya simu kisha kwenda kwenye vituo husika ambavyo vimetengwa na Nida. Aliongeza kuwa mamlaka hiyo inaendelea na usajiri kwa wakazi wa mikoa ya Pwani, Morogoro, Tanga, Lindi na Mtwara huku mikoa ya Kilimanjaro na Ruvuma ikiwa kwenye maandalizi ya zoezi hilo.
 
Alisema, maandalizi ni muhimu kufanyika kwanza kabla mamlaka hiyo haijaanza rasmi usajiri wa wakazi wa eneo husika na badaye kupigwa picha na kupewa vitambulisho. 

ippmedia.